Bestill årets Stikk UT!-premie
No kan du bestille årets Stikk UT! krus og skål.
- Friluftsrådet
- Bestill årets Stikk UT!-premie
Alle som har delteke på Stikk UT! denne sesongen kan bestille seg krus og/eller skål som premie. Du kan bestille både til deg sjølv og andre som har vore med på tur.
I år er det både ny leverandør og ny kunstner; Annika Østerbye frå reklamebyrået Tibe! Årets priser er 185 kroner for krus og 235 kroner for skål.
Førehandsbestilling og levering
Vi tek no opp førehandsbestillingar, med frist 15. oktober. Ein kan også gjere bestillingar etter det då vi kjem til å få produsert opp litt ekstra. Her leverer vi til det er tomt.
Krusa og skålene er venta klar for levering i november/desember.
Som tidlegare år legg vi opp til at deltakarane kan velje å hente på servicekontor rundt om i kommunane. Det blir sjølvsagt også mogleg å bestille direkte for heimlevering, men då med porto og ekspedisjonstillegg.
