Sunnmøre friluftsråd ryddar Hjørundfjorden
Sunnmøre friluftsråd skal rydde strandlinja i heile Hjørundfjorden. No vil vi ha frivillige med på laget til å rydde det som lokalt vert kalla «verdas vakraste fjord».
- Friluftsrådet
- Sunnmøre friluftsråd ryddar Hjørundfjorden
Langs dei bratte fjellsidene skal kystrenovatørar frå Sunnmøre friluftsråd rydde saman med Skjærgårdstjenesten Møre og Romsdal.
I nærleiken av grendene er det lettare farbart frå landsida. Her vil vi ha med oss frivillige. Lokale lag og foreiningar kan kontakte oss om dei ønsker å bidra med rydding. Dei som sender oss ein førespurnad og får tildelt eit område, kan få motivasjonsmidlar etter gjennomført ryddeaksjon.
Festøy til Store Standal, Sæbø, Bjørke, Urke og Hundeidvik er aktuelle områder for rydding med frivillige. Friluftsrådet assisterer kvar ryddeaksjon med planlegging, gode råd, sikkerheitsveileiing og ryddeutstyr. Hjelp til avfallshandtering etter ryddinga skjer etter avtale.
Kontakt oss om du og organisasjonen din vil vere med å rydde!
Midlar til prosjektet er gitt av Hurtigrutefondet og Miljødirektoratet.
Kontaktpersonar i Sunnmøre friluftsråd
Randi Kjærstad Hagerup; randi@friluftsraadet.no; mobil 468-08-487
Linda Bakken; linda@friluftsraadet.no; mobil 915-700-94
