Innvandrarprosjekt

Sunnmøre friluftsråd gjennomfører prosjektet i Ørsta, Ålesund og Sykkylven kommune - i tett samarbeid med vaksenopplæringa.

Elevane blir introdusert for friluftslivsområde i gå/sykleavstand som dei lett kan oppsøke sjølve seinare. Og i tillegg blir dei tatt med på turar til ulike typar natur som skog, fjell og fjøre. Dei blir også vist korleis og kva dei kan hauste frå naturen gjennom året, og korleis dei kan lage mat utandørs.

Grunna mange ulike typar innvandrargrupper må kvart enkelt opplegg tilpassast spesielt. Det blir tilbydd ein tur/arrangement i månaden, der kvart arrangement varer ein skuledag.

Ta gjerne kontakt med prosjektleiar Inger Bakke om du vil vite meir.