Skjærgårdstjenesten
Skjærgårdstjenesten bidreg i rydding av marin forsøpling, og arbeider med å gjere sjøbaserte friluftslivsområde attraktive for innbyggjarane.
- Friluftsrådet
- Sjø og strand
- Skjærgårdstjenesten
Skjærgårdstjenesten i Møre og Romsdal arbeider med tilrettelegging, drift og skjøtsel av offentleg eigde sjøbaserte friluftslivsområde. I tillegg bistår dei i arbeidet mot marin forsøpling, og er ein viktig samarbeidspartnar for Statens Naturoppsyn.
Gjennom året har Skjergårdstjenesten jamt tilsyn med og vedlikehald av dei statleg sikra sjøbaserte friluftslivsområda i fylket. Dette omfattar gjennomføring av nye prosjekt, og stell og vedlikehald av det som alt finst, som toalett, brygger, bord og benkar, bålplassar, badebøyer osb.
Spleiselag
Skjærgårdstjenesten i Møre og Romsdal er eit spleiselag mellom Staten (Miljødirektoratet), fylkeskommunen og medlemskommunane til dei to friluftsråda i fylket. Sunnmøre friluftsråd står for den daglege drifta av tenesta, medan Friluftsrådet Nordmøre og Romsdal har leiaren i Driftsstyret.
Torgeir Sund er tilsett som skipper og leiar for tenesta.
Ta kontakt på mobil 900 46 092 eller e-post torgeir@friluftsraadet.no